Koshedhunga

UA 144 mins Feature Film DramaAug 28, 2025Hall Release

News

सरोज पौडेलको निर्देशनमा ‘कोशेढुंगा’ निर्माण हुने

लेन्सनेपाल २०८१ पौष २१

चलचित्र ‘कोशेढुंगा’ निर्माणको घोषणा गरिएको छ । ‘पूर्ण बहादुरको सारङ्गी’ फेम्ड निर्देशक सरोज पौडेलको निर्देशन रहने चलचित्र निर्माणको आइतबार घोषणा गरिएको हो ।

सार्वजनिक चलचित्रको थिम पोस्टरमा घुरमैलो बिहानीलाई पृष्ठभूमीमा राखेर पहाडलाई हेरिरहेकी एक महिला उभिएछिन् । माथि डाँडामा उभिएकी उनको अगाडि अग्लो रुख र पहाडी शैलीको घर छ । परपर क्षितिज छ ।

नरदेवी फिल्मसको प्रस्तुति रहेको चलचित्रमा प्रेविल कँडेल र हरि महतको लगानी रहने छ भने दिनेश खड्का कार्यकारी निर्माता रहेका छन् । निर्माण पक्षले जानकारी दिए अनुसार चलचित्र २०८२ मा रिलिज हुनेछ ।

बाबु श्रेष्ठको डीओपी रहने चलचित्र सुरेन्द्र पौडेलले सम्पादन गर्नेछन् । चलचित्रमा संगीत रिदम कँडेल र आषिश अविरलको रहनेछ ।