Ke Ghar Ke Dera

Feature Film DramaOct 21, 2022Hall Release

News

डेरामा बस्नेको कथामा ‘के घर के डेरा’ निर्माण हुने

लेन्सनेपाल २०७६ माघ २२

चलचित्र ‘के घर के डेरा’ निर्माण हुने भएको छ । राजधानीमा आयोजित एक कार्यक्रमका बीच चलचित्र निर्माणको औपचारिक जानकारी गराइएको छ ।

राजधानीमा कोठा भाडामा लिएर बस्नेहरुको कथामा निर्माण हुने चलचित्रलाई सुव्रतराज आचार्यले निर्देशन गर्नेछन् । चलचित्रमा दयाहाङ राई, विपिन कार्की, वर्षा राउत, रविन्द्र झा, लूनिभा तुलाधर, आर्सिना भट्टलगायतका कलाकारको अभिनय रहनेछ । दयाहाङ, विपिन र वर्षाले ‘जात्रै जात्रा’ पछी यही चलचित्रमा एक साथ काम गर्न लागेका हुन ।

ताक्पा तामाङ (सिंगे लामा)को कन्सेप्टमा बन्ने चलचित्रमा निर्देशक सफल केसी र प्रतिक गुरुङको पटकथा रहनेछ । सफल र प्रतिकले निर्देशन गरेको चलचित्र ‘हरी’ समिक्षात्मक रुपमा अब्बल ठहरिएको थियो ।

शुभ लाभ फिल्मस् र ए प्लस इन्टरटेनमेन्टको व्यानरमा निर्माण हुने चलचित्रमा दिर्घ वीर गुरुङको छायांकन, शंकर थापा (स्माइल)को संगीत, मित्र डी गुरुङको सम्पादन र गम्भीर विष्टको कोरियोग्राफी रहनेछ ।

सिंगे लामाको कार्यकारी निर्माण रहने चलचित्रमा राजीव श्रेष्ठ र किरण महर्जन निर्माता छन् । यस्तै यमप्रसाद ओली सह-निर्माता हुन् ।