Kabaddi Kabaddi Kabaddi

UA 115 mins Feature Film ComedySep 20, 2019Hall Release

News

‘कबड्डी कबड्डी कबड्डी’को प्रदर्शन मिति पोस्टपोण्ड, नयाँ मिति असोज ३

लेन्सनेपाल २०७६ श्रावन १३

चलचित्र ‘कबड्डी कबड्डी कबड्डी’को प्रदर्शन मिति पोस्टपोण्ड भएको छ । यस अघि भाद्र १३ गतेलाई प्रदर्शन मिति पक्का गरेको चलचित्र अब भने असोज ३ गतेबाट प्रदर्शनमा आउने भएको हो । रामबाबु गुरुङ निर्देशित चलचित्रको प्रदर्शन मिति प्राविधिक कारणले सारिएको निर्माण टिमले जनाएको छ ।

स्वजातिय विवाह र अन्तरजातीय प्रेम सम्वन्धको अन्तरद्वन्द रहेको चलचित्रमा दयाहाङ राई, उपासना सिंह ठकुरी, कर्मा शाक्य र विल्सनविक्रम राई, रिश्मा गुरुङ, माओत्से गुरुङ, पुष्कर गुरुङ, कविता आले, बुद्दि तामाङ, लुनिभा तुलाधर, विजय बराल, कमलमणि नेपाल, अरुणा कार्की पोखरेल, राजन खतिवडा, मणि के राई, डिबि गुरुङ, राजेन्द्र थापालगायतका कलाकारको अभिनय छ ।

बासुरी फिल्मस र सिनेमा आर्टको प्रस्तुति रहेको चलचित्रसँग माउन्टेन स्टोरिज र नौमती इन्टरटेनमेन्टले निर्माणमा सहकार्य गरेका छन् । मणिराम पोखरेल, अर्जुन कार्की र ओम चन्द रौनियारले लगानी गरेको चलचित्रका सहलगानीकर्ता रुदेन सदा लेप्चा छन् । चलचित्रमा शैलेन्द्र ध्वज कार्कीको छायाँकन, सुरेन्द्र पौडेलको सम्पादन, हर्क साउदको शब्द, एसडी योगीको संगीत, हेमन्त राना र ऋतिका श्रेष्ठको स्वर र रेनशा राई राणाको नृत्यनिर्देशन रहेको छ ।