चलचित्र ‘जानी नजानी’को पहिलो गीत सार्वजनिक गरिएको छ । राजधानीमा आयोजित एक कार्यक्रमका बिच चलचित्रको गीत सार्वजनिक गरेको हो । सार्वजनिक गरिएको ‘एउटीलाई मुटुमा घर...’ बोलको गीतमा कलाकार मनिष श्रेष्ठ, सुमी मोक्तान र निरिशा बस्नेतलाई प्रस्तुत गरिएको छ । गीतमा अर्जुन पोखरेलको संगीत, अम्बिका शर्माको शब्द तथा संगीतकार पोखरेल र दुर्गा खरेलको स्वर, र कविराज गहतराजको कोरियोग्राफी रहेको छ । 

रोशनी इन्टरटेनमेन्टको ब्यानरमा निर्माण भएको चलचित्रमा रोशनी केसी प्रस्तुतकर्ताका रुपमा रहेकी छिन । प्रेमकथामा निर्माण भएको चलचित्रलाई बसन्त अधिकारीले निर्देशन गरेका हुन् । थुप्रै चलचित्रमा मुख्य सहायक निर्देशकको रुपमा काम गरेका अधिकारीले यसै चलचित्रबाट निर्देशनमा डेव्यु गरेका हुन् । चलचित्रमा कोदनाथ खनाल र सागर काजी माली निर्माताको रुपमा रहेका छन् ।

सामिप्यराज तिमिल्सेनाको कथा, पटकथा तथा संवाद रहेको चलचित्रमा सञ्जय लामाको छायाँकन, अर्जुन पोखरेलको संगीत, कविराज गहतराज, प्रविन सिंह र शिशिर खातीको कोरियोग्राफी र अर्जुन जिसीको सम्पादन रहेको छ । चैत्र १ गतेबाट सार्वजनिक प्रदर्शनमा आउने चलचित्रमा सन्नी सिंह, नम्रता श्रेष्ठ, प्रकाश अधिकारी, कृष्ण भक्त महर्जन, रोशनी केसीलगायतका कलाकारको पनि अभिनय रहेको छ ।