Chhakka Panja 4

Feature Film ComedyMar 03, 2023Hall Release

News

राजनीतिको कथामा ‘छक्का पञ्जा ४’, ट्रेलर सार्वजनिक

लेन्सनेपाल २०७९ फागुन ५

चलचित्र ‘छक्का पञ्जा ४’को ट्रेलर सार्वजनिक गरिएको छ । फागुन १९ गतेबाट प्रदर्शनमा आउने चलचित्रको ट्रेलरमा राजनीतिक विकृतिको कथा देखाइएको छ ।

ट्रेलर हेर्दा राजनीतिमा होमिएको खराब स्वभाव र शैलीको पात्रको वरिपरि चलचित्र घुमेको देख्न सकिन्छ । हेमराज विसीको निर्देशन रहेको चलचित्रमा दिपकराज गिरी, केदार घिमिरे, बुद्धि तामङ, बेनिषा हमाल, मलिना जोशी, नीर शाह, सबिन बास्तोला, निर्मल शर्मा, राज आचार्य, सुष्मा निरौला, रमेश बुढाथोकीलगायतको अभिनय रहेको छ ।

चलचित्रमा नरेन्द्र मैनालीको छायांकन, निमेष श्रेष्ठको सम्पादन, रोशन श्रेष्ठको द्वन्द्व निर्देशन र दीपक स्वयंको कथा, पटकथा तथा संवाद छ । आमा सरस्वती मुभिज र आइएमईको संयुक्त प्रस्तुति रहेको चलचित्रको निर्माताहरुमा दीपेन्द्र खनिया र केशव न्यौपाने छन् भने कार्यकारी निर्माताहरु केदारप्रसाद घिमिरे र निर्मल शर्मा हुन् ।