छायाँकनमा सुशील र शिक्षाको ‘द आउट ल’

लेन्सनेपाल २०७९ पौष २१

चलचित्र ‘द आउट ल’को शुभ मुहूर्त गर्दै छायांकन थालिएको छ । बिहीबार ललितपुरको बंगलामुखी मन्दिरमा स्क्रिप्ट तथा क्यामेरा पूजा गर्दै छायाँकन थालिएको हो ।

विक्की महर्जनले निर्देशन गर्ने चलचित्रको छायाँकन अवधी ४० दिन तोकिएको छ । चलचित्रमा सुशील श्रेष्ठ र शिक्षा संग्रौलाको मुख्य भूमिका रहने छ । चलचित्रमा नरेश पौडेल, सुमन भण्डारी, हेम गुरुङ, विशाल पहारी लगायतको पनि अभिनय रहने छ । एक्सन–थ्रिलर जनरामा निर्माण हुने चलचित्र आगामी वर्षको दशैं आसपासमा प्रदर्शन हुनसक्ने निर्माता शशांक खड्काले बताए ।

शशांक खड्का र अमित अग्रहरीको संयुक्त लगानीमा निर्माण हुने चलचित्रको कार्यकारी निर्माता विनोद कडायत हुन् ।