चलचित्र ‘द आउटल’को जापान अधिकार विक्री

लेन्सनेपाल २०८१ श्रावन १६

चलचित्र ‘द आउटलः दफा २१९’को जापान अधिकार विक्री भएको निर्माणपक्षले जानकारी दिएको छ । यूएनए इन्टरटेन्मेन्टले चलचित्रको जापान अधिकार खरिद गरेको हो । कम्पनीका प्रमुख उज्ज्वल गुरागाँइले चलचित्रको टिजर सार्वजनिक भएपछि दर्शकमा उत्साह बढेको बताए । यसैले, आफ्नो कम्पनीले जापान अधिकार खरिद गरेको उनको भनाई छ ।

चलचित्र ‘द आउटलः दफा २१९’को कथावस्तु केही पनि खुलेको छैन । तर, सुशिल श्रेष्ठ, नरेश पौडेल, शिक्षा संग्रौला लगायतका कलाकारले अभिनय गरेको चलचित्रबाट दर्शकले उच्च अपेक्षा गरेका छन् ।

असोजको ३ गते संविधान दिवसको अवसर पारेर रिलिज हुन लागेको चलचित्रलाई विक्की महर्जनले निर्देशन गरेका हुन् । अमित अग्रहरि निर्माता रहेको चलचित्रलाई साहिल खानले सम्पादन गरेका हुन् ।