‘ठगराज’ निर्देशन गर्दै सुबेदी

लेन्सनेपाल २०७८ माघ २०

चलचित्र ‘ठगराज’ बन्ने भएको छ । बुधबार आफ्नो जन्मदिनको अवसर पारी चलचित्र पत्रकार समेत रहेका लक्ष्मण सुबेदीले उक्त चलचित्र निर्माणको घोषणा गरेका हुन् । चलचित्रमा सुबेदीकै लेखन र निर्देशन रहनेछ ।

सामाजिक विषयवस्तुमा आधारित रहने चलचित्र निर्माणमा सुबेदीको दिलाशा क्रियशन र गोल्डेन स्टेट मुभी मेकर्स एलएलसी क्यालिफोर्नियाको सहकार्य रहने छ ।

चलचित्रका बारेमा थप जानकारी भने सार्वजनिक गरिएको छैन । दुई दशक चलचित्र पत्रकारितामा विताएका सुबेदीले सन् २०१४ को चलचित्र ‘एउटा साथी’बाट निर्देशनमा डेब्यु गरेका थिए । ‘ठगराज’ उनको तेस्रो निर्देशकिय चलचित्र रहनेछ ।