टिकटकमा चर्चित सन्तोष अब म्युजिक भिडियोमा

लेन्सनेपाल २०७९ श्रावन २

पछिल्लो समय टिकटकमा हिट भएका टिकटकरहरु अभिनयमा आउने क्रम निकै बाक्लिएको छ । खासगरि म्युजिक भिडियोमा टिकटकबाट आउनेहरुको संख्या उल्लेख्य छ । यसैक्रममा टिकटकमा श्रीमती पिडित श्रीमानको अभिनय गरेर चर्चामा आएका सन्तोष पौडेलले पनि भिडियोमा अभिनय गरेका छन् ।

त्यसो त सन्तोषले टिकटकबाट चर्चामा आउनु अघि केही चलचित्रमा अभिनय गर्नुका साथै मुख्य सहायक निर्देशक भएर समेत काम गरसकेका छन् । उनै सन्तोषले अभिनय गरेको ‘हजुरै हो’ बोलको तिज गीत हालै सार्वजनिक भएको छ ।

समाजिक कथा प्रस्तुत गरिएको गीतको भिडियोमा सन्तोषकी श्रीमती अमृता पौडेलको पनि अभिनय रहेको छ । सन्तोषकी वास्तविक श्रीमती अमृता पनि सन्तोष जस्तै टिकटकबाट चर्चामा आएकी हुन् । डिआर सुजनको निर्देशन रहेको भिडियोमा सन्तोष र अमृताका अलवा लक्ष्मी गिरी, खेम बा, निर्देशक डिआर, गीतकार बोधश्री र बालकलाकार विदान मैनालीको अभिनय रहेको छ ।

गीतमा डिआर सुजन, अस्मिता अधिकारी र एलिना चौहानको स्वर, डिआर सुजनको संगीत र बोधश्रीको शब्द रहेको छ । भने भिडियोमा मौसम हिमालीको कोरियोग्राफी, रेशम दर्नालको छायाँकन र पदम सुबेदीको सम्पादन रहेको छ ।