Mahajatra

निर्देशक हेम लामाको निधन

२०७९ जेष्ठ २
निर्देशक हेम लामाको निधन

निर्देशक हेम लामाको निधन भएको छ । काठमाडौंस्थित मनमोहन अस्पतालको सिसियूमा उपचारार्थ उनको आइतवार दिउँसो निधन भएको हो । स्वास्थ्यमा समस्या आएपछि बिगत दुई हप्तादेखि उनलाई मनमोहन अस्पतालमा राखिएको थियो ।

लामाको पार्थिव शरीरलाई सोमबार उनकै निवास बालुवाटारमा अन्तिम श्रद्धाञ्जलीका राखिने र सोही दिन बौद्ध धर्मअनुसार स्वयम्भुनाथ घाटमा अन्त्येष्टि गरिने छोरा विजय लामाले जनाएका छन् ।

लामाले चलचित्र ‘आदर्श नारी’को लेखन तथा निर्देशन गरेका थिए । २०७७ सालमा उनलाई नेपाल चलचित्र निर्देशक समाजले लाइफ टाइम अचिभमेन्ट अवार्ड प्रदान गरेको थियो । निर्देशक लामा क्याप्टेन तथा अभिनेता विजय लामाका पिता हुन् ।