कलाकारलाई रातो पासपोर्ट प्रदान गर्ने मन्त्री खतिवडाको भनाई

लेन्सनेपाल २०७७ श्रावन ९
कलाकारलाई रातो पासपोर्ट प्रदान गर्ने मन्त्री खतिवडाको भनाई

अर्थ मन्त्री समेत रहेका सूचना, सञ्चार तथा प्रबिधी मन्त्री डा. युवराज खतिवडाले मुर्धन्य कलाकारहरुलाई रातो पासपोर्ट प्रदान गर्न सकिने जनाएका छन् । चलचित्र बिकास बोर्डमा आयोजित एक कार्यक्रमलाई सम्बोधन गर्दै मन्त्री खतिवडाले यस्तो बताएका हुन् ।

अरु व्यवसायिक क्षेत्रका व्यक्तिहरुले जस्तै चलचित्र क्षेत्रका व्यक्तिहरुले पनि विदेश जाँदा सोही अनुरुपको पहँच पाउन पर्ने मन्त्री खतिवडाको भनाई छ । उनले भने ‘अरु व्यवसायिक क्षेत्रका व्यक्तिहरुले जुन किसिमको पहुँच पाउनुहुन्छ विदेश जाँदा, कतिले रातो पासपोर्ट माग्नुहुन्छ, कतिले भिआइपी कक्षको प्रयोग गर्न पाउनुहुन्छ । त्यो एउटा मर्यादाक्रम र त्यो एउटा हाम्रा श्रोतका सिमा हेरेर त्यो पनि गर्न सकिने कुरा हो ।’

मन्त्री खतिवडाले सिमित श्रोत साधनका कारण सबैलाई उक्त सुबिधा दिन भने नसकिने जनाएका छन् । उनले सबैलाई यो सूबिधा उपलब्ध हुन नसक्ने भन्दै छानिएका अत्यन्त मुर्धन्य कलाकारहरुलाई सम्मान स्वरुप उक्त सुबिधा उपलब्ध गराउन सकिने जनाएका हुन् ।

मन्त्री खतिपवडाले उक्त कार्यका लागि अध्ययन गरेर सोही अनुरुपको कार्यक्रम ल्याउन चलचित्र बिकास बोर्डलाई निर्देशन समेत दिएका छन् ।