राजेश हमालले गाए दोस्रो गीत

लेन्सनेपाल २०७८ माघ १९

राजेश हमालले दोस्रो गीत रेकर्ड गराएका छन् । चलचित्रमा अभिनयमा पातलिदै जादा म्युजिक भिडियोमा व्यस्त हमालले गायनलाई पनि निरन्तरता दिने छाट देखिएको छ ।

तीन महिनाअघि पहिलोपटक ‘मन बुढो भएन’ बोलको गीत रेकर्ड गराएका हमालले हालसालै दोस्रो गीत रकेर्ड गरेका हुन् ।

हमालले यसपटक ‘गाउँले ठिटो’ बोलको गीतमा स्वर दिएका छन् । उक्त गीतमा गोविन्द भट्टको शब्द र सन्तोष श्रेष्ठको संगीत रहेको छ ।

यसपटक हमालले विदेशिएका नेपालीलाई स्वदेशमा भएका अवसरहरु प्रति अकर्षित गर्ने शब्दको गीत गाएको जनाइको छ । केही दिनमा नै गीतको भिडियो पनि सार्वजनिक गरिने भएको छ । भिडियोमा स्वयम् हमालको अभिनय रहने छ भने देबेनद्र पाण्डेले निर्देशन गर्नेछन् ।