गैरेको ‘मुटु रेटिन्छ’ टिकटकमा हिट

लेन्सनेपाल २०८० कार्तिक २२

गायक कृष्ण गैरेको गीत ‘मुटु रेटिन्छ’ सार्वजनिक गरिएको छ । मिटरब्याजीका कारण गरिब जनताको कसरी उठिवास भइरहेको छ भन्ने भावको मर्मश्पर्शी गीतमा हुम गैरेको शब्द, कृष्ण गैरे र सुनिता बुढा क्षेत्रीको स्वर र नन्दु परियारको लय रहेको छ ।

यस्तै हुम गैरेकै निर्देशन तथा सम्पादन रहेको गीतको भिडियोमा रबी गीरी, निक्स शर्मा, जुनु गुरुङ, अर्जुन भट्टराई, दिनेश भण्डारी, आशा बिश्वकर्मा, विदुर पोखरेल, शरण थामी, आशिष अधिकारी, अनिल भण्डारी र विष्णु थापाको अभिनय रहेको छ । भिडियोलाई रोशन तामाङले छायाँकन गरेका हुन् । गीत यतिबेला १५ लाख भन्दा पोष्ट सहित समाजिक सञ्जाल टिकटकमा चर्चित भइरहेको छ ।