लक्ष्मी अभिनित हिन्दी गीत ‘जिम्मी चू’ सार्वजनिक

लेन्सनेपाल २०८१ भाद्र ११

चर्चित मोडल तथा नेपाली चलचित्रकी सफल अभिनेत्री लक्ष्मी बस्नेत अभिनित हिन्दी गीतको भिडियो ‘जिम्मी चू’ सार्वजनिक गरिएको छ ।

बलिउडमा आफ्नो करियर बनाउँन कोसिस गरिरहेकी कलाकार बस्नेतले यो भिडियोलाई आफ्नो ड्रिम प्रोजेक्ट भएको जनाएकी छिन । भिडियोमा बस्नेत निकै ग्ल्यामर अवतारमा प्रस्तुत छिन । उनीसँगै रविन्द्र कुहारले पनि भिडियोमा अभिनय गरेका छन् । सार्वजनिक गीतमा मेघा भारद्वाजको स्वर, राम्या लेयरको शब्द र तिनु अरोराको संगीत रहेको छ ।

संगीत कौशिकले निर्देशन गरेको भिडियोमा अजित गाडेको कोरियोग्राफी रहेको छ । आर स्वामीको प्रस्तुति रहेको भिडियोलाई सन्दिप जैनले निर्माण गरेका हुन् ।