चलचित्र ‘लप्पन छप्पन २’ को शिर्ष गीत सार्वजनिक

लेन्सनेपाल २०७८ फागुन १८

चलचित्र ‘लप्पन छप्पन २’ को शिर्ष गीतको लिरिकल भिडियो सार्वजनिक गरिएको छ । सार्वजनिक गीतमा सुरज विक्रम थापाको शब्द तथा संगीत र बुलेट फ्लो र अशोक बस्नेतको स्वर रहेको छ । भिडियोमा चलचित्रका केही स्टिलदृष्यहरु समावेश छन् ।

चलचित्र शिव श्रेष्ठ, सौगात मल्ल, अर्पण थापा, अनुप विक्रम शाही, शक्ति श्रेष्ठ, प्रकाश कुँवर, विशाल पहारी, दीपक क्षेत्री, एञ्जल श्रेष्ठ, अनिल खनाल, राजेन्द्र विष्ट, केरोलिन कोलिन्डा लगायतका कलाकारहरुको अभिनय रहेको छ । मुकुन्द भट्टको निर्देशनमा बनेको चलचित्र एक्सन, सस्पेन्स थ्रिलर जनराको हो ।

गोल्डेन हिल्स पिक्चर्स, रोयल कुँवर इन्टरटेनमेन्ट, इपी एजुकेशन अस्ट्रेलिया, उमी ग्रुप युरोप र म्याक मिडियाको ब्यानरमा निर्माण भएको चलचित्रका कार्यकारी निर्मातामा सुरज अधिकारी र प्रजापति सिवाकोटी छन् । चिजकुमार श्रेष्ठ, प्रकाश कुँवर, निर्मल कुमार मिश्र र सन्तोष चन्द्र भक्रेल निर्माता रहेको चलचित्रमा पुरुषोत्तम प्रधानको छायाँकन, मिलन श्रेष्ठको सम्पादन, नरेश योगीको कोरियोग्राफी र सिमसोन तामाङको द्वन्द्व निर्देशन रहेको छ ।