Modibeni
Numbari Sun

इन्टरनेशनल वुमेन फिल्म फेस्टिभल हुने

२०८० मंसिर ४
इन्टरनेशनल वुमेन फिल्म फेस्टिभल हुने

इन्टरनेशनल वुमेन फिल्म फेस्टिभल आयोजना हुने भएको छ । इन्टरनेशनल एसोसिएसन अफ वमन इन रेडियो एण्ड टेलिभिजन (आइर्वाट)को नेपाल च्याप्टरले आइतबार आयोजित पत्रकार सम्मेलनमा मङ्सिर ९ गते फेस्टिभल आयोजना हुने जनाएको छ ।

आइर्वाट रेडियो तथा टेलिभिजनमा आबद्ध महिला पत्रकारहरूको छाता सङ्गठन हो । जसले महिला फिल्ममेकरहरूलाई प्रोत्साहन गर्ने उद्देश्यले फेस्टिभलको आयोजना गर्न लागेको नेपाल च्याप्टर हेड इच्छा गुरुङले जनाएकी छिन ।

चलचित्र विकास बोर्डको हलमा आयोजना हुने फेस्टिभलमा राष्ट्रिय तथा अन्तर्राष्ट्रिय महिला चलचित्रकर्मीहरूको सहभागिता रहनेछ । सोही दिन नेपाली लघु चलचित्र प्रतियोगिताको समेत आयोजना गरिएको पत्रकार सम्मेलनमा जानकारी गराइयो ।

नेपाली चलचित्र क्षेत्रमा रहेका रचनात्मक र सृजनशील महिलाहरू विविध कारणले पछाडि परेको कारण उनीहरूलाई प्रोत्साहन गर्न फेस्टिभल आयोजना गर्न लागिएको फेस्टिभल निर्देशक सङ्गीता श्रेष्ठले जानकारी दिइन् ।

Gharjwai