हुण्डीलाई निरुत्साहित गर्न मह जोडीको ‘हुण्डी’

लेन्सनेपाल २०७८ फागुन २७

बिदेशबाट नेपाल पैसा पठाउनका लागि गैरकानुनी माध्यम हो हुण्डी । अझै पनि धेरै नेपालीहरुले जानेवा र वा नजानेरै हुण्डी मार्फत कारोबार गर्ने गरेका छन् । धेरैलाई बिदेशबाट बैंकिङ च्यानल मार्फत पैसा पठाउदा १ प्रतिशत थपेर पाइन्छ भन्ने पनि थाहा नहुन सक्छ ।

नेपालको कानुन अनुसार गैरकानुनी र दण्डनीय मानिएको हुण्डी कारोबारलाई निरुत्साहित गर्न सचेतना फैलाउने उद्देश्यले सर्ट फिल्म ‘हुण्डी’ निर्माण गरिएको छ । मह जोडीको निर्देशन रहेको सर्ट फिल्म ‘हुण्डी’ले हुण्डीको चंगुलमा परेर कसरी मानिस ठगिरहेका छन् भन्ने सन्देश बोकेको छ ।

समुदाय प्रहरी साझेदारी कार्यक्रम अन्र्तगत वित्तिय सुरक्षा सम्बन्धी जनचेतनामुलक सन्देश सञ्चारका लागि उक्त सर्ट फिल्म निर्माण गरिएको हो । गोकुल अधिकारी र रामशरण उप्रेतीको छायाँकन रहेको सर्ट फिल्मको सम्पादन भूपेन्द्र अधिकारीले गरेका हुन् ।

४१ मिनेट लामो सर्ट फिल्ममा हरिवंश आचार्य, सविन श्रेष्ठ र अनु शाह, किरण केसी, किरण तुलाधर, प्रिया रिजाल लगायत कलाकारहरुको अभिनय छ ।