गोदावरीका बाढी प्रभावित ८५ परिवारलाई कलाकार संघको राहत

लेन्सनेपाल २०८१ कार्तिक १३

नेपाल चलचित्र कलाकार संघले हालै बाढी र पहिरोबाट प्रभावित परिवारलाई राहत वितरण गरेको छ ।

असोज दोस्रो सातामा आएको भारी वर्षा र बाढीले प्रभावित ललितपुरको गोदावरी नगरपालिका वडा नम्बर ३ का ८५ परिवारलाई सोमबार वडा अध्यक्ष राज घिमिरेको उपस्थितिमा कम्बल प्रदान गरेको हो ।

कलाकार संघ, अमेरिका शाखाको अभियानमा प्राप्त आर्थिक सहयोगबाट यो सहयोग गरिएको संघका अध्यक्ष मोहन निरौलाले बताए । अमेरिका शाखाले अमेरिकन डलर १०७८ सहयोग रकम नेपाल पठाएको थियो । सोही रकमबाट कम्बल खरिद गरि प्रदान गरिएको हो ।