‘डिग्री माइला’को टिकट बुकिङ खुल्ला, देशभर उच्च शोज

लेन्सनेपाल २०८० चैत्र २८

प्रतिक्षित चलचित्र ‘डिग्री माइला’ले वक्सअफिसमा उल्लेख्य ब्यापार गर्ने संकेत गरेको छ । चलचित्र घरहरुले दिएको शो संख्याले यस्तो संकेत गरेको हो ।

यो समाचार तयार पार्दा चलचित्रले क्यूएफएक्स बाहेक देशभर ९७ शो पाएको छ । क्यूएफएक्सले ५८ शो दिइसकेको छ । यसमा अझ केही शो संख्या थपिने अनुमान छ । रामबाबु गुरुङ निर्देशित चलचित्रमा दयाहाङ राई, आँचल शर्मा, बुद्धी तामाङ, प्रकाश घिमिरे, ऋचा शर्मा, कमलमणी नेपाललगायतका कलाकारको अभिनय रहेको छ ।

हालसम्म चलचित्रले देशभर कुल १ सय ५५ शो पाइसकेको छ । प्राप्त शोलाई भरपुर सदुपयोग गर्न सकेमा चलचित्र शुक्रबार र शनिबार गरेर झण्डै ५ करोड व्यापार गर्ने अनुमान गरेको वितरक गोविन्द शाहीले बताए । शाहीका अनुसार चलचित्रले शुक्रबार २ करोड ५० लाख माथि र शनिबार ३ करोड बढिको व्यापार गर्ने अनुमान गरिरहेको जानकारी दिए ।

बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर निर्माण गरेको चलचित्रका निर्माताहरु विशाल गुरुङ, मणिराम पोखरेल, मधु मिजार र सुष्मा गुरुङ रहेका छन् । चलचित्रका कार्यकारी निर्माता क्रिश लामा हुन् । चलचित्रमा निमेष श्रेष्ठको सम्पादन तथा रोहित शाक्यको ब्याकग्राउण्ड म्यूजिक रहेको छ ।