Mahajatra

विपिन कार्की अभिनित ‘डर छैन’ सार्वजनिक

२०७७ श्रावन २३
विपिन कार्की अभिनित ‘डर छैन’ सार्वजनिक

अभिनेता विपिन कार्की अभिनित म्युजिक भिडियो ‘डर छैन’ सार्वजनिक गरिएको छ । सार्वजनिक गीतमा सन्तोष लामाको स्वर, नारायण गौतमको शब्द र हरि लम्सालको संगीत रहेको छ ।

निकेश खड्काको निर्देशन रहेको भिडियोमा विपिन भरियाको भूमिकामा देखिएका छन् । एउटा भरियाको दिनचर्या र उसको मनोभावलाई भिडियोमा प्रस्तुत गरिएको छ । भिडियोमा विपिनसंगै लोकमणि सापकोटा र स्रवानी थापाको पनि अभिनय छ । 

भिडियोमा हरि हुमागाईंको छायाँकन र विकास धमलाको सम्पादन रहेको छ ।

चलचित्रमा समेत चुजी विपिन अभिनित यो चौथो म्युजिक भिडियो हो ।