‘लाउरे एण्ड दाउरे’मा विजय बराल अनुबन्धित

लेन्सनेपाल २०८० माघ ३

अभिनेता विल्सन विक्रम राईको डेव्यु निर्देशकिय चलचित्र ‘लाउरे एण्ड दाउरे’मा कलाकार विजय बराल पनि अनुबन्धित भएका छन् ।

निर्माण टिमले बुधबार उनीसँगको सम्झौता र अर्को एउटा विजयको फरक लुक्सको तस्वीर सार्वजनिक गर्दै चलचित्रमा उनी फाइनल भएको जानकारी दिएको हो । विल्सनका अनुसार विजय चलचित्रमा अहिलेसम्मकै फरक भुमिकामा देखिने छन् । उनी लाहुरेको भुमिका रहने वा दाउरेको भन्ने केही खुलाइएको छैन् ।

चलचित्रको मुख्य भुमिकामा यसअधि अभिनेता दयाहाङ राई र बुद्धि तामाङ अनुबन्धित भइसकेका छन् । विजयको प्रवेशसँगै चलचित्रमा कलाकारको लाइनअप पनि बलियो बन्दै गइरहेको छ ।

विल्सनकै निर्माण कम्पनी तक्मे प्रोडक्सनले चलचित्र बनाउन लागेको हो । कमेडी र लभस्टोरीको कथावस्तुमा निर्माण हुन लागेको चलचित्रको लेखन विल्सन स्वयमले गर्नेछन् । यो उनको डेब्यु निर्देशकीय चलचित्र हुनेछ ।

यसअघि केही प्रोजेक्ट बनाउन अन्य ब्यानरसँग सहकार्य गरेको तक्मे प्रोडक्सनले ‘लाहुरे एण्ड दाउरे’को निर्माण भने एक्लै गर्नेछ । चलचित्रको निर्मातामा सरिना लामा छिन् । चलचित्रमा अनमोल गुरुङको संगीत रहनेछ ।