‘ए साथी सुन’को ट्रेलर सार्वजनिक

लेन्सनेपाल २०८० बैशाख २५

चलचित्र ‘ए साथी सुन’को ट्रेलर सार्वजनिक गरिएको छ । रामराघव आचार्यको निर्देशन रहेको चलचित्रको ट्रेलरमा एक युवती अपहरण गरेको प्रसंगलाई देखाइएको छ ।

जेठ ५ गतेदेखि प्रदर्शन हुने चलचित्रमा वर्षा सिवाकोटी, रमेश बानियाँ, आयन खड्का, सुशील पोखरेल, जयनन्द लामा, रमेश अधिकारी, कृष्मा खड्का, इभान सन्जेल, विमला गिरीलगायत कलाकारको अभिनय छ ।

लभस्टोरी, थ्रिलर र कमेडी जनराको चलचित्रलाई निर्देशक आचार्यले नै लेखेका हुन् । बीना कार्की र सन्तोषकुमार राईको निर्माण रहेको चलचित्रका सह निर्माता सुदीप पौडेल हुन्।