Upahaar

UA Feature Film DramaMar 08, 2024Hall Release

News

‘उपहार’को माउथ पब्लिसिटी अब्बल

लेन्सनेपाल २०८० फागुन २७

माउथ पब्लिसिटी अब्बल हुँदा चलचित्र ‘उपहार’को ब्यापारमा सकारात्मक प्रभाव परेको छ । शुक्रबारबाट प्रदर्शनमा आएको चलचित्रको शनिबार देशभरका हलमा ८० प्रतिशत भन्दा बढी अकुपेन्सि थियो । आइतबार पनि चलचित्रको ब्यापार राम्रो देखिएको छ ।

खासगरि देशभरका सिंगल थियटरहरुमा चलचित्रले राम्रो ब्यापार गरेको देखिन्छ । शनिबार राजधानीका सिभिल मल, अष्टनारायण हल, एफक्यूब, लबिम मल, बिग मुभीज बिएसआर लोत्से मल सहित नेपालगञ्जलगायतका हल ‘हाउसफूल’ भएका छन् । निर्देशक ज्ञानेन्द्र देउजा, अभिनेत्रीद्वय बेनिशा हमाल, पूजा शर्मा, मुकुन भुसाल लगायतको टिम उपत्यकाका हलमा दर्शकसँग भेटघाट गर्न पुगेका थिए । निर्देशक देउजाका अनुसार दर्शकहरुको प्रतक्रिया निकै उत्साहजनक छ ।

रेखा फिल्मस र कपनगढी सिनेमा प्रालिको व्यानरमा रेखा थापा प्रस्तुतकर्ता रहेको चलचित्र ज्ञानेन्द्र देउजाको निर्देशन छ । चलचित्रमा रेखा थापा, तेज गिरी, समर्पणजंग कार्की, सुष्मा कार्की, शिशिर राणा, राजाराम पौडेल, किरण केसी, अंशु महर्जन, विनोद पौडेल, आशा भुषाल, शोभारस घिमिरे, मन्जु श्रेष्ठ, कमल भट्ट, राइडर प्रशान्त र सरिता राजोपाध्यायलगायतको पनि अभिनय छ ।