Prasad 2
UA 134 mins Feature Film Love StoryApr 28, 2023Hall Release
News
‘प्रसाद २’ को प्रदर्शन रोक्न उच्च अदालत पाटनको आदेश
चलचित्र ‘प्रसाद २’ को प्रदर्शन रोक्न उच्च अदालत पाटनले अल्पकालीन आदेश जारी गरेको छ । चलचित्र आउँदो शुक्रबारबाट देशभर प्रदर्शनको तयारीमा रहेको चलचित्रको प्रदर्शन रोक्न न्यायाधीश सुदर्शनराज पाण्डेको एकल इजलासले सो आदेश दिएको हो ।
चलचित्रका प्रस्तुतकर्ता सुवास थापाले आफ्नो रकम नदिएको भन्दै केशव पाण्डेले प्रदर्शन रोक्नका लागि माग राखेर उच्च अदालत पाटनमा रिट दायर गरेका थिए । शुरुमा चलचित्रका निर्माताका रुपमा केशब पाण्डे र प्रस्तुतकर्ताका रुपमा सुवास थापा रहने गरि पत्रकार सम्मेलन समेत गरिएको थियो । तर, निर्धारित मितिमा छायाँकन शुरु हुन नसकेपछि पाण्डे निर्माताबाट बाहिरिएका थिए । निर्माताका रुपमा नरहेपछि आफ्नो खर्च भएको रकम सुवास थापाले दिने सहमती भएको तर, उनले दिएको चेक बाउन्स भए पछि पाण्डेकै उजुरीका आधारमा प्रहरीले निर्माता थापाविरुद्ध आर्थिक लेनदेन र बैंकिङ कसूर मुद्दामा पक्राउ पूर्जी जारी गरि खोजिरहेको छ ।
अदालत जानुअघि पाण्डेले चलचित्रको सेन्सर रोक्न चलचित्र विकास बोर्डमा पनि उजुरी गर्न खोजेका थिए । तर, बोर्डले उजुरी दर्ता नगरेपछि पाण्डे चलचित्रको प्रदर्शन रोक्नुपर्ने माग राखेर उच्च अदालत पुगेका थिए ।
उनको रिटमा थप सुनुवाइ गर्न उच्च अदालतले २६ गते दुवै पक्षलाई बोलाएको उच्च अदालत पाटनकी प्रवक्ता मन्दिरा शाहीले जानकारी दिइन् ।
New Releases (Mangshir 26)
-
PR
Director : Shovit Basnet
Casts : Ra Suraj Paudel, Binita Karki, Rajan Kunwar, Pooja Chaudhary, Aashma Adhikari
Next Releases (Poush 4)
-
Jhari Pachhi Ko Indreni
Director : Arjun Ghimire
Casts : Ganesh Upreti, Ramesh Upreti, Priyana Acharya, Arjun Ghimire, Prakash Ghimire
