‘प्रेमगीत ३’ मा राजकुमारको लभ स्टोरी

लेन्सनेपाल २०७५ चैत्र १०
‘प्रेमगीत ३’ मा राजकुमारको लभ स्टोरी

चलचित्र ‘प्रेमगीत’को तेस्रो सिरिज ‘प्रेमगीत ३’ को यतिबेला धमाधम स्कृप्टको काम भइरहेको छ । हाल निर्माता सन्तोष सेन सहितको एक टोली पोखरा पुगि स्कृप्टको काम गरिरहेको छ । सम्भवत यसपटक स्कृप्ट लक गरेर मात्र टिम पोखराबाट फर्कने छ ।

चलचित्र अघिल्ला सिरिज जस्तै प्रेम र गीतकै लभ स्टोरीमा निर्माण हुनेछ । यद्यपी यो चलचित्रले बाइसे – चौबिसे राज्य छँदा खेरीको लभस्टोरी भन्ने छ । जहाँ प्रेम अर्थात नायकको भुमिका तत्कालिन राजकुमारको हो । राजकुमारको भुमिकामा रहेको प्रेम र गीतको लभ स्टोरी चलचित्र काठमाडौं र हिमाली भेगमा छायाँकन हुनेछ । छायाँकन शुरु हुने भने अझै केही महिना लाग्न सक्ने निर्माता सन्तोष सेनले जनाएका छन् ।

स्कृप्टको काम सकेपछि कलाकारको छनौट हुनेछ । तत् पश्चात कस्ट्युम तयार गर्न केही समय लाग्ने भएकोले छायाँकन शुरु हुन केही समय लाग्ने भएको हो । चलचित्रमा प्रदिप खड्का रहने लगभग पक्का जस्तै छ । अन्य कलाकारको सम्वन्धमा भने निर्माण टिमले औपचारिक रुपमा केही बोलेको छैन । यद्यपी राजेश हमाललाई अफर गरिएको तर, फाइनल स्कृप्ट दिन नसक्दा हमालले साइन नगरेको बुझिएको छ ।