‘चपली हाइट ३’को शुभमुर्हुत

लेन्सनेपाल २०७६ मंसिर ३
‘चपली हाइट ३’को शुभमुर्हुत

चलचित्र ‘चपली हाइट ३’को शुभमुर्हुत गरिएको छ । मंगलबार कार्यविनायक मन्दिरमा क्यामरा र स्कृप्ट पुजा गर्दै चलचित्रको मुर्हुत गरिएको हो । 

सस्पेन्स थ्रिलर जनरामा निर्माण हुने चलचित्रलाई निकेश खड्काले निर्देशन गर्नेछन् । चलचित्रमा स्वस्तिमा खड्का, सुपुष्पा भट्ट, आमिर गौतम, महेश त्रिपाठी, प्रतिक श्रेष्ठलगायतका कलाकारको अभिनय रहनेछ । महेश र प्रतिकले यसै चलचित्रबाट चलचित्र अभिनयमा डेव्यु गर्न लागेका हुन् ।

मंसीर ५ गतेदेखि छायांकनमा जाने चलचित्रलाई अर्जुन कुमार र केडिसी हस्पिटलले संयुक्त रुपमा निर्माण गर्नेछन् ।